موضوع: طريقة عمل الكبه الموصليه(المصلاويه)..ألف عافيه الإثنين ديسمبر 10, 2007 5:24 pm
هلو شباب هلو بنوتات الشباب يباوعون والبنوتات يتعلمون طريقة عمل الكبه المصلاويه
المكونات العجينه ا كوب جريش اسفه مااعرف أسم لاخ للجريش الكل يعرف الجريش مو؟؟؟ الجريش اللي يكون لونه افتح من لون البرغل وحجمه هماتين اصغر من حبة البرغل تعروفه أكيد؟؟؟بلي تعرفونه لعد ليش تكلون منعرفه؟؟ههههههههه ثلاثة ارباع الكوب برغل كبة ا كوب لحم شرح بدون اي دهن نهائيا مهم ان يكون اللحم خالي كليا من الدهن الحشوة لحم مفروم عادي أذا بي دهن لو مابي (نوبروبلم ) لكن لحم الحشوة يفضل ان يكون بي دهن حتى يصير طعمه الذ وبصل ( وزبيب ولوز أختياري) ملح وفلفل طريقة العمل اولا يفرم اللحم الخالي من الدهن كليا والذي سيخلط مع العجينه ويفرم بالماكنه الكهربائية جيدا بحيث يصبح مثل العجين ثم يخلط بعدها مع الجريش والبرغل وترشين عليه ماء بارد جدا وبكمية مناسبةوضروري ان يكون الماء جدا بارد(مو تكولين أووووي بارده مداأكدر!!! تره بعدين يكلون عليج متعرفين أتطبخين لأن تخرب ألأكله وكيفج بعد !!!) ويدعك باليد اللحم والبرغل والجريش وتغطى بمفرش نظيف وانتظري عليها شويه ثم يوضع جميعا مرة ثانية بالماكنه الكهربائية ويخلط جيدا الى ان يصير عجينه متجانسة كليا كلش!! واذا شفتي ان العجينه قويه اضيفي المزيد من الماء واعجينها مرة ثانية بالماكنه الى تصير عجينه طريه يسهل فرشها بالشوبك وتكوني قبل كل شيئ قد حضرتي الحشوة بالطريقة المعتادة وتكون الحشوة قد بردت جيدا قبل البدء بتشكيل الكبة وهسه نجي للمهم واصعب مرحله وهيه طريقة تشكيل الكبة بالحجم الكبير أخذي قطعة من العجينه وكوريها بيدكي اولا ثم احضري قطعة نايلون بحجم مناسب وضعيها على المنضدة المخصصة للعمل وامسحي قطعة النايلون بالماء بحيث تبلل ثم ضعي عليها قطعة العجينه وافتحيها باليد بحيث تاخذ شكل الدائرة ثم ضعي فوقها قطعة نايلون اخرى ايضا تكوني قد مسحتيها بقليل من الماء وابداي بفرش العجينه بواسطة الشوبك على شكل دائرة وبالحجم اللي تريدينه طبعا الفرش بالشوبك يكون من فوق قطعة النايلون وبعد ان تكملي الفرش ارفعي قطعة النايلون العليا بتأني ثم خذي غطاء وعاء او اي شيئ دائري لديك وضعيه على العجينه حتى تحددين شكل الدائرة وازيلي الاطراف الزائدة وكرري نفس العملية بالضبط مع قطعة عجين اخرى حتى يصير عندك قطعتين دائرتين احدها تمثل وجه الكبة والثانية ظهر الكبة ثم ضعي الحشوة على احد هذه الدائرتين وبعدها خذي الدائرة الاخرى والتي لازال النايلون لاصق بظهرها وحطيها على القطعه الاولى التي وضعتي الحشوةعلى وجهها وانتبهي ان تضعي الدائرة الثانية بالضبط فوق الدائرة الاولى ثم ابدائي وبكل تأني(بالهداوه) بازالة النايلون من على ظهر العجينه الفوق وبعدها الصقي الاطراف مع بعضها جيدا لو بالضغط على الاطراف او الافضل ان تحاولي ثني الاطراف على بعضها مثل الكليجة وهكذا تكون الكبة قد اصبحت جاهزة للغلي بعدها ضعي اناء بحجم مناسب على النار وضعي به ماء وملح واتركيه الى ان يغلي جيدا ثم خذي الكبة وابدائي بوضعها داخل الاناء مع مراعاة ازلة اخر قطعة نايلون والتي كانت بظهر العجينه التي وضعت عليها الحشوة في البداية واتركي الكبه تغلي الى ان تبدا تطوف على الماء وارفعيها وصفيها من الماء جيدا والف عافية عاشت أيدي خخخخخخخخخخخخ
!!!) ويدعك باليد اللحم والبرغل والجريش وتغطى بمفرش نظيف وانتظري عليها شويه ثم يوضع جميعا مرة ثانية بالماكنه الكهربائية ويخلط جيدا الى ان يصير عجينه متجانسة كليا كلش!! واذا شفتي ان العجينه قويه اضيفي المزيد من الماء واعجينها مرة ثانية بالماكنه الى تصير عجينه طريه يسهل فرشها بالشوبك